#YeezySeason3
عرض كانييه ويست اقيم امس في أسبوع الموضة في نيويورك ،، هذا العرض بالذات صار موضوع الأحاديث من وقتها وهذا اللي خلاني أجمع اهم الأخبار اللي صارت حوله في هذا البوست
– كانييه عمل مشاكل عشان يقيم هذا العرض في أول يوم من أسبوع الموضة في نيويورك وتسبب بلخبطة في جدول العروض شوفو التفاصيل هنا
– الكارداشيانز حضرو العرض وكلهم كانو لابسين ابيض بس كيم كارداشيان تحمست ولبست باروكة بيضاء ،، ملابسهم كانت من تعاون خاص بين Balmain وYeezy
– حضور العرض نفسه كانو 20 الف شخص بين المشاهير والمحررين والناس اللي اشتروا تذاكر للعرض خلال الأيام الماضية ،، أما اللي تابعوا العرض اونلاين كان عددهم 20 مليون، خذولكم دقيقة عشان تستوعبون الرقم 
– كانييه ويست اطلق البومه الجديد ضمن هذا العرض وخلا العارضين واقفين الين ما خلص الألبوم كامل
– العارضات والعارضين للمجموعة الجديدة كانو واقفين على منصتين منفصلتين وتحتهم أكثر من الف عارض وعارضة آخرين لابسين من المجموعتين السابقة لـ Yeezy
– العارضات والعارضين خضعوا لقوانين وتعليمات صارمة في هذا العرض من ضمنها لا ترقصون ولا تتواصلون بالعيون مع أي احد ولا تظهرون التوتر واوفقو ثابتين بدون حركات ملفته وغيره ،، شوفوا الصورة
– خلال العرض وحدة من الأغاني في البوم كانييه كان فيها سب واضح لتايلر سويفت وهذا اللي خلا جيجي حديد تتفاجأ ونزلت تغريدة تقول فيها “وجودي في مكان معيّن ما يعني اني موافقة عالأغاني اللي تشتغل فيه”
– في وسط العرض ظهرو العارضات فيرونيكا ويب ونايومي كامبل لابسين معاطف طويلة بلون اسود
– وآخر مفاجآت العرض كانت فيديو من لعبة كانييه ويست الجديدة اللي تتكلم عن رحيل امه
– كنت قاعدة على تويتر وقت العرض اشوف ردود الفعل عنه ولاحظت ان مافي احد تكلم عن الأزياء نهائياً, كل التغريدات والكلام كان عن البوم كانييه وهذا اكبر دليل ان كانييه ويست موسيقي ناجح لكن ما يصلح يكون مصمم أزياء بس سمعتو عن هدفه او حلمه القادم ؟؟ يقول يبغا يصير مصمم Hermes حتى لو لفترة بسيطة
~~ ربنا يستر من اللي جاي =/
Ar_stylish 
من جد كانييه لو يترك التصميم عنه يكون افضل بس ماننكر سوا جو واكشن بالعروض تسلم يديك بوست كله حياة مثلك 💞
إعجابإعجاب
انا مصدومة و جالسة ادور اخبار عن العرض تفسها ، بس ابداً ما لقيت ، وطريقة العارضين و العارضات نفسها غريبة !!!
إعجابإعجاب
انصدمت من العدد الي تابع العرض اونلاين والالتزامات حقت المودل! معليش اوفر شوي.. عموما شكرا خلود -قلب- ماعندي قلب باللابتوب هههعه:(
إعجابإعجاب
كميه البولشت في عرضه مو طبيعية. انا ابدا ما اشوف انه راح يستمر في مجال التصميم عرض عرضين وحيوقف لان باين من ردود الناس وتعليقاتهم على عروضه انهم اكتفوا. ما اعتقد انه فيه واحد من ال ٢٠ مليون الي تابعو عرضه تابعوه علشان يشوفو المجموعه، تابعوه علشان الألبوم والكرداشيانز والجنان الي كانييه معروف فيه
إعجابإعجاب
اعجبني تعاون balmain & yeezy حسيت كمان انو مافيه ترتيب في منصة العرض وشكل العارضين اللي تحت ابدا ماكان منظم كانه كونسرت و جايب راقصين حسيت مبهذل شوي 😰بس بغض النظر عن كل هذا تصاميمه 👍👍 نيومي كامبل 💜🙀وشكرا على الموضوع الحلو 😩💕💕
إعجابإعجاب
وش فيه سب تايلور سويفت وش مسويه له !!
إعجابإعجاب
قريت تعليق في تويتر ان كانيي يصمم ملابس رديئه عشان المشاهير والاغنياء يلبسونها ويتساوى الغني مع الفقيرمشكوره على الموضوع حبيبتيحابه اطلب رجاء ،، لو تتكلمين دايما عن مواضيعك اللي بالبلوق بسنابك،،اعشق اسمعهم بصوتك
إعجابإعجاب
حبيت البوست , بس العوض يعطي انطباع كانهم مجموعة مشردين متسولين , يجلس ع الاغاني وبيبدع فيها اكثر .
إعجابإعجاب
هل انا الوحيده الي شايفه تصاميمه حلوه و ودي انه يستمر ��احس تصاميمه حلو وبسيطه يعني لو تركزين ع كل قطعه بتشوفينه مره حلو لاكن ع تنسيق غير لاكن احس اسعاره مره مبالغه ع قطعه عارفه انه"كاني ويست زوج كيم" لاكن اسعاره ماتستاهل ابدا القطع مع ان قطعه حلو لاكن اوڤر سعرها.وثاني شي احسه في عرضه خصوصا هذا ما اهتم لتصاميمه يعني ما بين تصاميمه وحوسه احسني لو بروح هينا وسألوني وش رايك بقول مدري مره زحمه ما اركز ، وبس وعارفه اني بربتي واجده لاكن شفت كلن مخالف وحبيت اقول رايي وطرحك للموضوع كان مره جميل ������
إعجابإعجاب
Nice post, Thank you!
إعجابإعجاب
اتفق معك في هذي ،، أصلن حسيت ان الملابس صارت شي زايد في هالحدث
إعجابإعجاب
صحيح العرض بعّد عن المغزى الأساسي منه وهو عرض المجموعة
إعجابإعجاب
كانيي من الأشخاص اللي يحبون لفت الانتباه باي طريقة كانت , لو يركز على الموسيقى فقط راح يبدع في مجاله ، بس الازياء للاسف غير جيد ، و بخصوص حلمه ان يبي يصمم حق هرميز أظن صعب ان يتحقق ههههههه لأن من الشركات اللي صعب تترك هويتها في التصميم و تسلمها لشخص يمشي ورا الصرعات الحديثة و اللي بسرعة تتغير. دمتي بود ^ ^
إعجابإعجاب