Dolce & Gabbana 

Giorgio Armani 


هذي المجموعة بالنسبة لي كانت من أجمل المجموعات في أسبوع ميلانو ، ناعمة ورومانسية وبسيطة ، لفتتني طريقة السكارف في الصورة الثانية من اليسار العرض قدم سكارفات .

Roberto Cavalli

هذي أول مجموعة للمصمم بيتر دانداس لماركة Roberto Cavalli للأسف خيب آمال المتابعين فيها ، بداية غير موفقة يمكن السبب اننا توقعنا أكثر منه لأنه مو جديد على هذي الماركة

Salvatore Ferragamo


المجموعة ناعمة وجميلة حبيت الفساتين السوداء فيها والكشكشات الناعمة . 

Versace

هذي المجموعة كانت غير عن كل شي تعودنا عليه من دوناتيلا فيرساتشي ، قوية وصارخة ومستوحاه من ملابس الجيش ، ومع ذلك ما اختفت لمستها الأنثوية الجريئة من العرض

Paris Fashion Week 

Balenciaga


هذي المجموعة كانت آخر مجموعة للمصمم أليكسندر وانغ لماركة Balenciaga بس للأسف كات أسوأ ما قدم لها ، ما عجبني أي شي فيها ، الشنط زي الشنط اللي نشيلها في الحرم و الأحذية سليبرز ما تتلبس الا بالبيت  

Balmain


مجموعة جميلة ورائعة ، يمكن الشي الوحيد اللي ممكن يخربها علينا ان كيم كارداشيان حتكون أول من يلبسها S= 

Dior

عجبتني الكنزات الصوفية في هذي المجموعة كانت ستايلش و جميلة ، بصراحة كل شي فيها عجبني الأحذية بالذات كانت جميلة وناعمة وأتوقع حتكون من أهم التريندز في الموسم الجاي الأحذية بالحزام على الساق .

إيلي صعب 

من كثر ما أسمع ان ايلي صعب ما يجدد ما انصدمت لما شفت الفلات والبومبر جاكيت ، التصاميم كانت شبابية وناعمة بس ما تشبه إيلي صعب ، أنا أشوف هذا التجديد حلو من إيلي صعب انتو إيش رايكم فيها ؟

Lanvin 



تصاميم جميلة  جداً حبيت البدل حسينها ناعمة وبسيطة .

Valentino


جماال فالتنينو ،، فساتين جميلة جداً حبيت تفاصيلها بالتحديد ، الفساتين الطويلة والقصية كانت بنفس المستوى من الجمال .

Saint Laurent


الفساتين عجبتني في عرض سان لوران ، بس شخصياً حسيت أجسام العارضات ظالمتها  ، نحفهم بزادة عن كل العارضات أعتقد لو شفناها على السجادة الحمراء حتكون أجمل بكثير من في العرض نفسه .

زهير مراد 


مجموعة زهير مراد هذا الموسم كانت خليط من تصاميم قديمة له وتصاميم مقلدة من مصممين آخرين ، البدلة الطويلة نسخة من بدلة Balmain  والفستان الذهبي شفناه منه أكثر من مرة .

Chanel 

عرضت مجموعة شانيل خهذا الموسم في صالة مطار ، شنط السفر كانت شي مميز في العرض .
الملابي انقسمت لقسمين جزء منها كان كلاسيكي وهذا الجزء الأجمل بالنسبة لي ، حبيت البدل المصنوعة من التويد ، البعض الآخر كان طبعات مستوحاة من كل شي نشوفه في المطار زي لوحة الرحلات و الطيارات و غيرها ، يمكن بعض الطبعات ماكانت موفقة بس الملابس الكلاسيكية والإكسسوارات كانت رائعة .

Louis Vuitton

بصراحة ما عجبتني الملابس في هذي المجموعة من نيكولا غيسكيير ، الأحذية والحقائب كانت أكثر من رائع بس الملابس بشكل عام ما عجبتني 

Mui Mui 

فرو و جلد ومعاطف طويلة أحس انس انخنقت من الحر LOL .. المجموعة لموسم ربيع وصيف 2016 بس حتكون مناسبة أكثر لموسم الشتاء .. أنا عجبتني الأحذية بالتحديد قولولي ايش رايكم؟

قولولي إيش العرض المفضل عندكم في قسم التعليقات وإذا حابين تشوفون صور وفيديوهات لعروض أكثر شوفو حسابي على انستقرام AR_stylish@