اليوم رح أكلمكم عن تجربتي الشخصية مع منتجات جويل للعناية بالبشرة والشعر
عرفتني عنها مدام أماني مديرة صالونات جويل و أستخدمها تقريباً من شهرين ،، مدام أماني قالت لي ان جويل اشتغلت مع شركة فرنسية لمدة ٥ سنوات عشان تنتج هذي المنتجات عشان كذا تحمست استخدمها

مجموعة العناية بالبشرة 


زي ما انتو شايفين هي مكونة من 5 خطوات ، كل هذي الخطوات تعتبر خطوات روتينية ولازم كل بنت تعملها سواء بمنتجات جويل أو أي ماركة أخرى وهذا اللي عجبني في مجموعة جويل ،، انها غطت إحتياجاتنا الروتينية وكمان أجمل شي فيها انها بسيطة جداً وغير معقدة ،، يعني تستخدم لكل أنواع البشرة

خلوني أعرفكم على المنتجات قبل ما أحكيلكم عن تجربتي معاها
– الغسول اليومي Wash Away
– كريم مرطب Rescue Me
– واقي الشمس Good Day
– كريم محيط العينين Love Eyes
– كويم الترطيب اليومي Good Night

بالنسبة لي حسيت المنتجات خفيفة وعملية ، وشخصياً أشوفها ممتازة للبشرة اللي ما تعاني من أي مشاكل وتحتاج نظام روتيني عشان يحافظ على نظارتها ومنظرها الصحي لا أكثر
الغسول عبارة عن رغوة ،، هو المنتج المفضل عندي في هذي المجموعة حسيته متوازن ما ينشف البشرة ويحسسك انها مشدودة ولا يخليها مدهنة وكأنك ما غسلتيها ، وأكثر شي عجبني فيه انه يزيل المكياج بسهوله ،، يعني أنا جربت غسولات قد شعر راسي وغالبا أحتاج أغسل وجهي مرتين وثلاث عشان ينزل كل المكياج بس والله من بدأت استخدم هذا الغسول وأنا بطلت استخدم مزيل مكياج على طول أغسله الا لو حاطة ماسكارا ضد الموية أحتاج اشيلها أول :
كريم Rescue Me المرطب أعتقد هو الماستر بيس حقت هي المجموعة ،، يستخدم قبل كريم الليل وكريم النهار ، أنا أحيانا أستخدمه قبل المكياج أحس ترطيبه مناسب كـ بيس للمكياج . بس الشي الوحيد اللي أحسه سلبي فيه هو قوامه مرررا سايل ،، هذا الشي خلا تطبيقه أسهل بس تمنيت لو كان أكثر كثافة بشوي .
كريم الليل وكريم محيط العين هي أهم خطوة بالنسبة لي ،، لازم ما تستهينون فيها مهما كانت الماركة لأن بشرتكم تتعب بالنهار ، وبالليل فرصتها إنها تعالج نفسها وبهذي الكريمات تساعدونها عشان تتحسن أكثر ورح تلاحظون التغيير عليها،
كريم النهار هو الوحيد اللي ما أقدر أحكم عليه ، ما أطلع كثير بالنهار فما حصلت لي فرصة عشان أجربه وأكون فكرة كويسة عنه.

مجموعة العناية بالشعر

جويل عملت 4 مجموعات للشعر عشان تتعامل مع مشاكل الشعر المختلفة بعد ما كشفو على شعري في الصالون أعطوني مجموعة الشعر المصبوغ Color Protect وهي مكونه من شامبو وماسك بدون بلسم .
نفس الشي حسيتها خفيفة ومريحة للشعر ، أنا ما أقدر أتعامل مع شعري بدون بلسم بس الماسك هذا حسيت إنه يغني عن البلسم يرطب ويحمي بنفس الوقت .
أفضل شي في مجموعة الشعر من جويل هو بخاخ Blow Shine والله يجنن يجنن ، هو أساساً واقي ويرطب الشعر قبل ما تسرحينه ، أدمنت عليه مرررا رائع يعطي الشعر لمعة عجيبة
هذا البخاخ يجي لوحده ويمشي مع كل المجموعات على حد علمي

المجموعات هذي تباع في محلات وجوه و صالونات جويل بس إذا حتاخذون مجموعة الشعر أنصحكم تاخذونها من الصالونات عشان تستفيدون من الإستشارة المجانية وتاخذون المجموعة المناسبة لشعركم
بالنسبة للأسعار ما أعرفها بس أكيد رح أسأل عنها وأضيفها للبوست قريباً

تحديث :

سعر مجموعة العناية بالبشرة كاملة 714ريال 
واقي الشمس Good day 138