السلام عليكم ..

كلنا نعرف تأثير الستريت ستايل و طلات حضور عروض الأزياء على عالم الموضة والإتجاهات الدارجة في ، تأثيرها كبير جداً وهذا اللي يخلي الماركات تتجه لهم وتستغلهم .. كيف ؟

إذا مثلا أنا عندي شنطة أصدرتها مؤخراً وحابة أخليها The It Bag أو أنشرها بين الناس بشكل سريع ، الطريقة السهلة لتحقيق هذا الشي هو إني أرسلها لبعض البلوغرز لمشهورين في طلاتهم في street style و عندهم مدونات خاصة فيه.
المدونات يشيلون هذي الشنطة ويتصورون فيها وتنتشر و نجحت الخطة .
الموضوع مافي شي غلط هو مجرد أسلوب تسويق ، لكن في الفترة الأخيرة بدأ يخرج عن السيطرة و بدأنا نشوف طلات غريبة ومجنونة تحت مسمى الموضة والسبب إن المدونة تكون أخذت مقابل مادي عشان تلبس لوك كامل من نفس الماركة أو عشان تلبسه بطريقة معينة .

كل وحدة من هذول المدونات صارت تحاول تلفت الأنظار بأي طريقة ممكنة سواء كانت مقتنعة بالشي اللي هي لابسته أو لا طالما إن هذا الي رح يجيب لها مقابل مادي ويخلي الماركات تنتبه لوجودها و المصورين يلاحقونها في كل مكان ليش لا

والسيء في هذا الشي إن تأثيره مو مقصور على الناس والمتابعين ، صارو المصممين يتأثرون بالغرابة والجنون اللي في هذي الطلات ويقدمولنا أشياء زيها ، المصمم زاك بوزن تكلم عن هذا الموضوع وقال ” على المصممين أن يتوقفو عن أخذ إلهامهم من إطلالات Street Style  ويقدمو ما ينتج عن مخيلتهم الخاصة وبهذه الطريقة سنرى التحسن حتى في إطلالات Street Style”

كل هذا مو مهم ، المهم إننا ما نكون إمعات ونتبع أي شي يقدمونه ، ومو لازم تحسون إنكم لازم تكونو زيهم عشان تصيرو تريندي وشيك . إلبسو دايماً اللي يعجبكم سواء كان دارج أو لا .