حضور عروض الأزياء دائماً يكونوا مختارين بشكل خاص ، يعني يكونو أشخاص مؤثرين في عالم الموضة زي آنا وينتور رئيسة تحرير مجلة Vogue و ميروسليفا دوما و أوليفيا باليرمو اللي يعتبرون من الشخصيات المؤثرة جداً في الموضة
بس إذا وحدة فينا إحنا المعترين حابة تحضر هذي العروض كيف ممكن تحصل على تذكرة أو دعوة ؟؟

موقع WWD نشر خبر مؤخراً عن أحد صفحة على الإنترنت تعرض بيع تذاكر لعروض Prada, Fendi, وكمان Giorgio Armani في أسبوع الموضة في ميلان لموسم خريف وشتاء 2015-2016 اللي حيقام في شهر فبراير المقبل إن شاء الله .
سعر حضور هذي العروض في كرسي في الصف الأول مع تصريح للكواليس هو 95 ألف دولار ، وإذا حابين تبدأون المزايدة عليها المزايدة تبدأ من 25 ألف دولار ( يعني بالعربي حوالي 350 ألف ريال)

بالنسبة لي فكرة حضور العروض ما تستهويني كثير بالذات وهي على الأغلب رح تكون منقوله مباشرة أون لاين ، أنا عارفة إن حضور العروض له سحر خاص بس غالبا الحضور ما يحكون عن استمتاعهم في تويتر وغيره بسبب الزحمة والإنتظار وغيره وهذا الشي حسسني إن أجواء العروض مو غلامورس وممتعة زي ما إحنا متخيلين . عشان كذا أنا قنوعة وراضية بإني أشوف العرض من غرفتي

والشي الثاني ،، بالعقل يعني ، لو عندي هالمبلغ بروح أطيّر أبوه في محلاتهم مو في العرض معليش يعني أدفع ٩٥ الف دولار وأروح أتفرج عالملابس وأرجع!!  والله شي يقهر

شوفو هذي الصفحة صورة الصفحة اللي تبيع التذاكر من هنا