Benefit First SA Event + They’re Real! Push-Up Liner Review

أول ايفينت لماركة بينيفيت في السعودية

ريفيو للآيلاينر الجديد بوش–أب لاينر

Benefit They’re Real! Push-Up Liner

هو جل لاينر ، الجل جوا العلبه وينزل لما تلفي الطرف اللي تحت ، زي ما انتو شايفين الجزء العلوي منها مطاطي مرره شكلها غريب ، أنا ما قد شفت لاينر زي كذا مررا مرنه وتتحرك معاكي زي ما تحبي.

من مميزات هذا اللاينر انه أسود ، ضد الموية وثباته قوي لدرجة عملوله مزيل خاص فيه لأنو ما ينزل بسهولة

تقييمي الشخصي له :

أنا شخصياً كنت متعوده على الآيلاينر العادي وفي الفترة الأخيرة بدأت أستخدم الجل لاينر والفرشه النحيفة حقت ماك ولأن خبرتي قليلة في الظل وما استخدمه كثير صرت تقريباً محترفة في رسمة العين ، يعني مكياجي المعتاد في كل المناسبات هو الآيلاينر والماسكارا والروج

هذا الآيلاينر ممتاز برأيي سواده قوي جداً جداً وهذا شي مرا جميل ، وثباته قوي لدرجة خفت من التجاعيد وانا قاعده ازيله ، صرت أزيله بعود قطن و المزيل الخاص فيه عشان اتجنب دعك منطقة العين .

إذا كنتي مبتدأة أنصحك فيه بقوة ، أختي عمرها ما رسمت عينها كل مره أنا ارسملها اياها و مع هذا الأيلاينر والله من أول مره رسمت عينها بشكل ممتاز كأنها محترفه .

على ما أتذكر سعر هذا الآيلاينر ١٥٠ ريال

عن الإيفينت

الخميس الماضي أخذوني بينيفيت في رحلة لجدة لحضور حفل إطلاق الآي لاينر الجديد ، وفي هذا البوست رح أكلمكم عن الرحلة وعن الآي لاينر وتجربتي معاه

مررا انبسطت بهذي الرحلة خصوصاً اني سافرت مع مجموعة من البلوقرز وقابلت بلوقرز من جدة كنت متحمسة أقابلهم من زمان . من جد والله جمعتهم نستني التعب اللي كنت حاسة فيه
الإيفينت كان مرا مرتب كإنه عالم بينيفيت مرا انبسطنا ، كان فيه فوتوبوث وأخذنالت كم صوره عبيطة حتى لو ندمت عليها بعدين عادي✌️✌️