السلام عليكم

اليوم حابه أكتب عن بعض الحيل والطرق اللي يستخدمونها الستايلست و خبراء الأزياء مع المشاكل اللي تظهر لهم فجأة ، الحلو في هذي الحلول إنها سريعة وما تاخذ وقت أبداً ، وأغلبها جربتها شخصياً

الكهرباء الساكنة نعاني منها كلنا .. وأكثر شي يقهر انك ما تنتبهين لها الا وانتي لابسه الفستان أو التنورة وطالعة تلاقينه يلزق في جسمك بطريقة مرررا بشعة، أتذكر البنات في المدرسة زمان دايماً تعبانين مع المريول اللي يلزق كذا ، أزمة
الحل مع هذي الأزمة هو بخاخ فضفاض .. موجود في السوبر ماركتس زي بندة مثلا وسعره 12 ريال . الحلو فيه انه ما يبقع وما يسوي ريحة ولا شي وآمن حتى على الملابس البيضاء أخواني دايماً يستخدمونه مع الثياب .

إذا مو متوفر عندك هذا البخاخ ممكن تستخدمين مثبت الشعر وتبخينه على الفستان أو التنورة من الداخل ،، وممكن كمان تدهني لوشن على جسمك ، اللوشن رح يمكن الملابس من إنها تلزق في جسمك . >> هذي الطريقتين أنا ما جربتها بس خبراء الأزياء يقولون انها تنفع دايماً

-الكعب الواسع ، أنا اشتريت كعب أسود ،، ولبسته لبستين كان مقاسه تمام بعدها صار واسع وصارت رجلي تطلع منه ،
قريت في مدونة  La Dentelle Blanche للحلوة أروى عن هذي الكوشينز من ألدو .
ما لقيتها في آلدو أول ما دخلت المحل بس سألت عنها وطلعلي اياها ،، سعرها حوالي ٣٠ ريال
فيه منها أشكال ثانيه تلاقونها في موقع ألدو هنا

أتمنى تكون هذي النصايح عجبتكم وفادتكم ،، قولولي إذا حابين أسوي طرق و حيل جربتها في الميك أب والتجميل .. 




مواضيع مشابهة 


تعرّفي على حلول عارضات الأزياء السريعة للأحذية المزعج


ايش الحل مع الحذاء الجديد القاسي ؟؟