أتبعوني على تويتر وانستقرام عشان تتابعون معايا الحفلات الجايه


   

كاتي بيري بفستان من Valentino
أسبوع الموضة لأزياء الكوتور ليسا مخلص يوم الخميس ( تقدرون تشوفون أبرز العروض هنا) ،، تمنيت أحد يلبس من الأزياء اللي شفناها في العروض وبصراحه ما توقعت أحد يسويها الا كاتي بيري
الفستان اللي لبسته كاتي بيري انعرض الأسبوع الماضي في أسبوع الموضة لأزياء الكوتور لربيع وصيف 2014 من Valentino

ريتا أورا بفستان من Lanven

وحده من أجمل الطلات في هالحفل حبيت لون الفستان ومكياج ريتا وشعرها طالعين روعة يعني تقريبا هي الأجمل من هذي الناحية

بالنسبه لي آفضل يكون الفستان طويل والمناكير غير اللي اختارته ريتا بس غير كذا الطله جمييله 

تايلر سويفت بفستان من Gucci
حبيت الطلة كلها على بعضها ،، مكياج شعر وفستان طالعة جميلة

ساره هايلاند فستانها من Emilio Pucci
تعجبني هالبنوته من مسلسل مودرن فاميلي بس كنت أكره طلاتها على السجادة الحمراء كانت تبان أكبر من عمرها ،،  بس مؤخرا صارت اختياراتها تعجبني مرررا ومناسبه لعمرها
عجبتني طريقة لبسها للحلقات أتوقع أجربها في أقرب فرصة

 آنّا كيندريك بفستان من Azzaro
طلاتها دايماً ناعمة وجميلة

Christine Teigen
طلة جميلة جداً

Ciara
طلة جميلة للحمل ،، حبيت لونهاما شاء الله بيرفيكت وحبيت الفستان كمان

باريس هيلتون
ما أدري ليش ما حبيت الفستان مع انو كثير من الي يتابعو معايا على تويتر مرررا عجبهم بالذات انو فيه ظهر مفتوح وكذا

باولا باتون ،، فستانها من نيكولا جبران
الفستان ما عجبني أبداً أبداً أبداً ،، الفستان هذا لبسته امال ماهر من قبل بس من جد ماني فاهمته
دحين الخطوط هذي أبيض وأسود زيبرا او حمار وحشي صح ؟؟ طيب على أي أساس جات راسين الأسد مدري النمر اللي عالصدر !!

جوليانا رانزيك
حبيت اللون أكثر شي في طلتها

 PINK
عجبتني طلتها ،، الون الأحمر طالع يجنن عليها

Sarah Borrello
الفستان طالع عليها مررا كيوت

Madonna
البنات على تويتر قالو لها هيبه وبصراحة معاهم حق . ما عندي تعليق على اللوك

التريندز و الإتجاهات اللي تكررت على السجادة الحمراء :

الفساتين الترتر البراقة ،، شفناها في أكثر من طله وأكثر من لوك .. هالتريند كان دارج في ٢٠١٣ وبدأ يختفي في نهايتها لكن نقدر نقول انه مستمر بقوة لعام ٢٠١٤ .
اللون الأبيض ،، تقدرون تشوفون من الفساتين في الصور فوق معضمها كانت بيضاء .
اللون الأحمر ،، تكرر في أكثر من خمس طلات على السجادة الحمرا من بينها طلة النجمة PINK

بالنسبة للشعر رفع الشعر بهالطريقة هو اللي ظهر في أكثر من طلة على السجادة الحمراء ،، أما المكياج فغالباً ما ركزو على مكياج العيون مع روج وردي ناعم زي طله ريتا أورا و تايلر سويفت تقدرون تشوفونها في الصور فوق .