CHANEL

Armani Privé

قبل هذا العرض كنت ماني متوقعة الكثير من أرماني بصراحة .. توقت يكون عادي ومكرر بس فاجأني بقوة ،، حبيت الفساتين جددداً وأتوقع تكون في أجمل الإطلالات على السجادة الحمراء
المميز في العرض ان العارضات شعرهم ملفوف بسكارفات ،، صارت أشكالهم كأنهم محجبات 

رأيي في تصاميم ايلي صعب غريب بصراحة ،، في الأيام العادية أقول عادية وتشبه بعض ومافيها شي مميز بس لما أشوف العروض وأشوفها على السجادة الحمراء أنسى كلامي الأول وأخق وتعجبني ،عرض هذا الموسم كان رائع كالعادة حبيت كل التصاميم المعروضة وحبيت إضافة الـ Ball Gown أو الفساتين المنفوشة لهذي المجموعة خلتها مميزة
لاحظت ان الفسان الملونة جمعت ألوان المجموعة كلها كانت جميييلة و فستان العروس من جد بهرني هالمرة ،، كان خيالي

Valentino

مو كلكم عجبتكم هذي المجموعة .. في وقت العرض كنت برا البيت ،، نزلت لكم الرابط وطلبت منكم تغطون لي العرض . أغلب التعلقيات اللي جاتني كانت سلبية يمكن لأن المجموعة ما كانت ربيعية ،، حسيتها تناسب موسم الخريف اكثر
أنا حبيت الفساتين التول أكثر شي 🙂 .. بالعموم المجموعة كلها ذكرتني بطرزان والغابات وكذا

جورج حبيقة 

 مجموعة جورج حبيقة كانت بلمساته المعتادة ،، ناعمة وانثوية غالباً حبيت الفستان المورد في الصورة اللي فوق أكثر شي فيها ..
بالنسبة لفستان العروس ماكان مميز أبداً برأيي بالذات انه مشابه لتصاميم العروس اللي قدمها المصمم في المواسم السابقة .

زهير مراد

أكون صريحة معاكم ،، تصاميم زهير مراد تذكرني بهيفاء وهبي وجينيفر لوبيز وهذا الشي من جد مخربها علي أحس انه ما يصمم الا لهم وبس صرت أشوف تصاميمه ممله وبشكل واحد ما تتغير ، ودي يوقف يلبسهم لفترة بس عشان يعطيني فرصة أشيل هالفكرة من راسي
في هالمجموعة فيه شيء حلو وشيء سيء 
الشي الحلو إننا شفنا مجموعة من الفساتين الملونه بألوان ربيعية فاتحة زي السماوي والموف والأصفر وبتصاميم جديدة لو شفتها ممكن ما أعرف انها من تصميم زهير مراد
الشيء السيء ان هذي التصاميم ما عجبتني حسيتها غير متقنه وباقي التصاميم الذهبيه أجمل منها بمراحل

 
غوتييه مو لكل الناس ،، في ناس يشوفونه جنون وما يتلبس أنا أشوفه فنان عروضه دايماً مفاجأه ومختلفة ومميزة وهذا الشي اللي يخليني انتظرها في كل موسم ،، إكسسوارات الراس كانت مميزة في هالمجموعة

من كثر ما أشوف تصاميم طوني يعقوب على أحلام صرت أتخيلها لابستها ،، الفساتين جميلة بس المجموعة عموما مافيها شي مبهر يعني

عروض ستيفان رولان لها سحرها على الرنواي،، هذي المجموعة استوحاها من الشمس والصور ومن جد ما أدري كيف الفستان البرتفالي يحسسك ان العارضة زي الشمس

اتمنى يكون البوست عجبكم .. قولولي رايكم بالأزياء على هذا الرابط