السلام عليكم 🙂
بما إن اسبوع الموضة في نيويورك خلص اليوم وغطيناه على تويتر وانستقرام سوا بالتفصيل .. حبيت أسوي تغطية من نوع آخر للمدونة كتعويض لأني ما قدرت أغطي فيها أول بأول
تقدرون تشوفون تغطية كاملة لأسبوع الموضة على موقع سيدتي نت
سيداتي سادتي أقدم لكم
Ladies and gentlemen, I present to you
“بوست توزيع جوائز AR_ Stylish لأسبوع نيويورك للموضة”
في هذا البوست رح أقدّم ألقاب خياليّة لعروض أسبوع الموضة في نيويورك … بس قبل ما أبدأ أبغا منكم تغمضون عيونكم وتتخيلون انكم على السجادة الحمراء لحفل توزيع جوائز عالمي وانتو لابسين فستان من مصممكم المفضّل وتبتسمون لعدسات المصورين و الباباراتزي
الحين خلونا نبدأ
“جائزة أجمل لوك للمكياج“
للمصمم
Jason Wu
الغليتر وما أدراك ما الغليتر .. برأيي لازم تكوني محترفة في المكياج قبل ما تفكري تتعاملي معاه وأنا أبعد ما أكون عن احتراف المكياج وما أظن اني في يوم من الأيام حجربه بهذي الطريقة رغم انه عجبني جداً .. يعني ممكن بالكبير آي لاينر غليتر مو زي كذا
“جائزة أجمل خليط ألوان ”
للمصممة
Monique Lhuillier
هذي المجموعة بهرتني بألوانها بالذات الذهبي مع الأورانج كان فضيع
“
جائزة أفضل Street Style ”
تروح لـ
Aila Wang
المفعوصة بنت أخو المصمم ألكسندر وانغ ..ظهرت في عرضه لابسه تيشيرت مع تنورة قصيرة وشنطة من Balenciaga
“جائزة لا تعيدون هالحركة “
تروح لـ
DKNY
المجموعة كانت كويسة وبعيداً عن مبدأ أعطي الخبز لخبّازه .. ظهور المغنية ريتا أورا في نهاية العرض بصفتها الوجه الإعلاني للدار خرّب علي العرض كله.. برأيي هالحركة خطفت كل الأضواء من المجموعة نفسها .. بعد العرض حاولت القى صورة للأزياء المعروضة ما قدرت .. كلها صور ريتا أورا ..
“
جائزة OMG هذي ناعومي كامبل“
للمصممة
Diane von Furstenberg
أحب المفاجلأت في أسبوع الموضة .. العارضة ناعومي كامبل من العارضات اللي ظهورهم نادر على منصات العروض العالميّة .. عشان كذا ظهورها كان مفاجئ وحمسني صراحة 🙂
” جائزة كنت أظن وكنت أظن وخاب ظنّي ”
للمصممة
Vera Wang
وقعت في غرام المجموعة اللي قدمتها فيرا وانغ لخريف وشتاء 2014 .. وحطيت آمال كبيره على هذي المجموعة بس للأسف جات أقل من عادية وماقدرت تتفوّق على مجموعة الموسم الماضي
شوفو مجموعة الموسم الماضي
هنا
” جائزة مافي شعور في الدنيا أجمل من شعور البنت اللي لابسة تصاميمه”
للمصمم
Zac Posen
أتحداكم تلاقون ><
“جائزة يارب ما تصير تريند ”
تروح لـ
الصنادل الفلات
كنت أشوفها في صور الستريت ستايل ومطنشتها وأنا أدعي انها ما تصير تريند .. بس قضي الأمر لما نزلت
في مجموعة Phillip Lim و Marc Jacobs
“جائزة الأحذية القاتلة “
للمصممة
Rebecca Minkoff
في عرض ريبيكا مينكوف تحمست مع الأحذية أكثر من الأزياء بصراحة مع ان الأزياء كانت جمممييلة
“جائزة التفاصيل القاتلة“
للمصمم
Thom Browne
شخصيّا تجذبني العروض اللي تخليني أقول واااو كيف سووها ..التفاصيل في هذي الأزياء خياليّة جداً..
بس يعني واضح ان الليدي غاغا رح تكون الزبونه الوحيدة لهذي المجموعة LOL ..
“
جائزة أقوى تريند لصيف 2014”
تروح لـ
الطبعات المنقّطة
شفتو كيف الخطوط كانت في كل مكان ؟؟ اتوقع الصيف الجاي حيكون دور النقط
بالذات إننا شفناها في عرض ريم عكرا و دمجها أوسكار دي لا رينتا في مجموعته مع الورود
”
جائزة أفضل مجموعة في أسبوع نيويورك الموضة “
للمصممين
Marc Jacobs & Oscar de la Renta
أتوقع كلكم تتفقون معي في مجموعة أوسكار دي لا رينتا؟؟ بس بعضكم ما عجبته مجموعة مارك جيكوبس
عجبتني المجموعتين مع انها عكس بعض تماما ً
هذا فيديو لعرض أوسكار دي لا رينتا هنا
عرض مارك هنا
“جائزة العرض المتكامل “
للمصمم
Marc Jacobs
بلا منازع .. كان العرض رائع من جميع النواحي … الصالة الأزياء والموسيقى كل شيء
هذا فيديو للعرض أتوققع انه ليسا ينعاد هنا
في مجموعات كثير ماكان عندي وقت أشوفها ومجموعات كثير ما عرفت كيف أذكرها .. تقدرون تقولون هذا البوست مجرّد أفكار بصوت عالي
في النهاية هي آراء ومشاهدات شخصيّة .. يمكن بكره تتغيّر الله أعلم بس حبّيت أنزّل البوست بأسرع وقت ممكن 🙂
قولولي في إيش تتفقون معاي وفي إيش تخالفوني ؟.
Ar_stylish 
ليه تشوفين عرض مارك جايكوبز افضل عرض؟ ما اعرف ليه حسيته كمية بشاعه:(
إعجابإعجاب
ليه تشوفين عرض مارك جايكوبز افضل عرض؟ ما اعرف ليه حسيته كمية بشاعه:(
إعجابإعجاب
ليه تشوفين عرض مارك جايكوبز افضل عرض؟ ما اعرف ليه حسيته كمية بشاعه:(
إعجابإعجاب
من جد عرض مارك جاكوبس الاجمل وهو اللي فعلاً ماتقدرين تشيلين عينك عنه و اوافقك بكل اللي قلتيه الا جائزة كنت اظن و كنت اظن هههههههههههه
إعجابإعجاب
من جد عرض مارك جاكوبس الاجمل وهو اللي فعلاً ماتقدرين تشيلين عينك عنه و اوافقك بكل اللي قلتيه الا جائزة كنت اظن و كنت اظن هههههههههههه
إعجابإعجاب
من جد عرض مارك جاكوبس الاجمل وهو اللي فعلاً ماتقدرين تشيلين عينك عنه و اوافقك بكل اللي قلتيه الا جائزة كنت اظن و كنت اظن هههههههههههه
إعجابإعجاب