NYFW SS14 Day 1&2 

 مشاهداتي لأول يومين في أسبوع نيويورك للموضة لربيع وصيف 2014

 

 

 

السلام عليكم ..

أحترت بالطريقة اللي أتكلم فيها عن أسبوع الموضة .. أتكلم عنها كل مجموعة لحالها أو كل أسبوع لحاله .. قررت في النهاية أعرض ملاحظاتي اليوميّة كل يومين أو كل يوم ..

 

ولتغطية أكثر عن أسبوع الموضة تقدرون تزورون صفحة أسبوع الموضة على موقع سيدتي نت  إضغطي هنا

أو زوري هاشتاق #أسبوع_الموضة على تويتر وانستقرام يشاركون فيه مدونات ومواقع كثيرة

 

 

نبدأ

BCBG Max Azria 

 

أول عرض انتظرته في أسبوع الموضة نيويورك كان عرض BCBG Max Azria  أنا شفت العرض بالفيديو تقدرون تشوفونه هنا BCBGMAXAZRIA Spring/Summer 2014

حبيت التصاميم وحبيت انها متجددة فيها شي مو عادي .. يعني مو مجرّد تنورة ومو مجرّد فستان .. وكمان حبين الطريقة اللي تتحرّك فيها الملابس والعارضات يمشون .. وكمان طبعاً الطبعات كانت مرررا جميلة .

 

 

Tadashi Shoji

 

تصاميم Tadashi Shoji دائما انثويّة رقيقة وأحب هذا الشي فيها .. أكون صريحة ماكنت متوقع شيء مجنون أو مختلف منه عشان كذا ما تفاجأت .. المجموعة بالنسبة لي كان جميلة لكن مو WOW  .

عجبني في المجموعة إن المصمم استخدم الدانتيل بنقشة الكاروهات (المربعات) بدال الدانتيل المورّد اللي تعودنا نشوفه

عجبني كم لوك من العرض شوفوهم

 

 

Jason Wu

 

هو من المصممين اللي كنت أنتظر عروضهم هذا الموسم .. جايسون وو يختار لوك العارضات دائما بشكل مميّز دائما يكون شعر العارضات ومكياجهم متجدد ومتناسب مع المجموعة حتى إنه من المصممين اللي يحددون التريندز في تسريحات الشعر والمكياج كل موسم .. واذا كنتو تتبعوني على انستقرام أكيد بتعرفون قد ايش كنت متحمسة لعرضه .

في هذا الموسم استوحى المصمم مجموعته من التسعينات وحاول يوازن المجموعة بين الضوء والظلام . في أول العرض شفنا مجموعة جميلة من الأزياء البيضاء وبعدين انتقل بسلاسة لألوان أغمق .. وفي نهاية العرض ظهرت العارضة كارلي كلوس بفستان أبيض روووعة وبعده ظخر فستان أسود مشابه .

بالنسبة للشعر اعتمد المصمم تسريحة ذيل الحصان البسيطة مع إكسسوار ذهبي  لعارضاته هذا الموسم مع مكياج غليتر ذهبي من لانكوم بما إن المصمم تعاون مع لانكوم وأطلقو مجموعة مكياج خاصة للخريف مؤخراً.

أقدر أقول انو جايسون وو يستاهل الحماس هذاك كلو 🙂

 

 

 

 

 

 

 

 

 

 وفي النهايه حابه أذكر عروض متفرقة من أول يومين في أسبوع نيويورك للموضة

 

في عرض Disegual حبيت طريقة العرض نفسها أكثير من الأزياء .. ياخي تحسونه عرض فرايحي العارضات مستمتعين مرررا ..

هذا ريفيو سيدتي نت عن العرض إضغطي هنا

وهذا فيديو للعرض هنا

 

أجواء الستينات كانت طاغية على مجموعة  Kate Spade  ذكرتني بأزياء الأفلام الأبيض والأسود و Mad Men ❤

هذا ريفيو سيدتي نت عنها هنا

 

وفي عرض Marissa Webb حبيت لوك العارضات كلو على بعضو .. يعني تقدري تاخذي اللوك كامل تلبسيه بدون ما تغيري فيه ولا شي .. شوفو الصور هنا

 

أكثر شي لفتني في مجموعة  Rebecca Minkoff هو الأحذية شوفو

 

 

 

 

 

 

 

في النهاية أنا عارفة إني ما ذكرت كل شي في هذا البوست بس حاولت قد ما أقدر أذكر ملاحظاتي الشخصية من أسبوع الموضه صيف 2014 ..

 

 

 إذا حابين تعرفون أكثر اتبعوني على تويتر انستقرام أحس اني أغطي هناك براحة أكثر من هنا وأسرع كمان اسمي Ar_Stylish