اليوم أقيم حفل Met Ball  أو Met Gala  وهو حفل سنوي يحضرة
نجمات ونجوم هوليوود وكمان يتابعه المصممين عشان يشوفوا ايش لبسو النجمات
ويحددو التريندز والإتجاهات للمواسم الجاية
نقدر نقول هذا الحفل زي
الأوسكار بس فيه كل شي عن الموضة .. الأزياء دايماً مجمونه ومبالغ فيها ..
ما نشوف طلات من هذا النوع الا مرة في السنه وهي في هذا الحفل ..
هذي السنة كان موضوع الحفل أو الثيم ” PUNK: Chaos to Couture”
كلنا عارفين كيف ستايل البانك جريء كان المفروض ان المصممين يستخدمو هذا
الستايل الفوضوي و يعطونا أزياء راقية .. بعض النجمات ما اتبعو الثيم
وبعضهم زي سارة جيسيكا باركر أخذوه بشكل حرفي .. حى انها لبست اكسسوار راس
على شكل موهوك ..

فيه أشياء اتوقع ترجع لعالم الموضة بقوووة زي القفازات اللي لبستها بيونسيه وكيم كارداشيان وكمان كيري واشنطون
وكمان اتوقع اكسسوار الشعر بيرجع برضو بعد ما اختفى لكم موسم
واخر شي اتوقع نشوف ستايل البانك كثييير الفترة الجايه في العروض والستريت ستايل وكل مكان

اليوم بعرض لكم الإطلالات من
هذا الحفل .. ممكن تستغربون ان فيه أشياء غريبة عجبتني ابغا اوضح لكم انها
عجبتني بطريقة فنيّة . يعني مستحيل ألبس موهوك مثلاً بس عجبتني سارة جيسيكا
انها لبسته يعني عطتنا شو ما نشوفه الا مرة في السنه متعتنا يعني .

حاولت أجيب الطلات المميّزة من الحفل أكيد مو كلها  أتمنى تعجبكم

يمكن بعضكم ما يعجبه لوك بيونسيه بس أنا حسيتها The girl on fire  ..
حبيست انها أخذت اللوك اوفر ذا توب ذيل الفستان عجبني كأنها نيران كذا
يمكن
الفستان ما ناسب جسمها و لو شالت البوت أو خففت من الطبعة رح تكون أجمل بس
في هذي المناسبة أنا عاجبني اللوك زي ما هو .. فستانها من Givenchy

هيلاري رودا  اللي حبيته في هذا اللوك انو جمع بين الجلد والدانتيل

كمان أماندا سيرفريد فستانها من Givenchy بس ما حبيته .. بعيدا عن الفستان هي من أجمل الممثلات مررره تعجبني 

آمبر هيرد فستانها من Pucci الطلة حلوة وأنيقة بس بعيدة عن الثيم

كاري ماليغان فستانها من Balenciaga .. حبيت اللوك وحسيتها ما بعدت عن موضوع الحفل

من حسنات هذا الثيم انه طلّع النجمات في اطلالات ما كنا نشوفهم فيها . هذي نينا دوبريف بفستان من Monique Lhuillier

 كنت متوقعة أجمل من كذا من فوينيث بالترو خيبت ظني .. فستانها من فالنتينو

عيلة كارداشيان ما يدعون لهذي المناسبة .. بس كيم كارداشيان حضرت مع صديقها كانييه .. طلتها بشششعة جداً جداً .. القفازات الموصوله في الفستان خلتها تبيّن كأنها سحليّة .. وكمان كانت لابسة صندل عليه نفس طبعة الفستان .. اللوك العام سيء

 هايلي سانفيلد .. حبيت طلتها ناعمه وحلوه بس بعيدة شوي عن الثيم

هذي اللي جننتني .. حبيت طلتها مرررره كلاسي وشيك يمكن طلتها ما تكون بانك مررا بس مع ذلك حبيتها

كريستين ستيوارت وأخيراً شفنا منها لوك غير .. حبيت اللوك والألوان وكمان لاحظوا رفعت شعرها

هذي ساره جيسيكا باركر .. بإكسسوار شعر موهوك ..

جينيفر لوبيز بفستان من Michael Kors  ..
ما كنت أحس انو تصاميم مايكل كورس تناسب جينيفر بس الطله حلوة والتسريحه أحلا

كاتي هولمز من زمان ماشفت شي يعجبني عليها وفرحت  بطلتها هذي .. فستانها من كالفن كلاين

نيكول ريتشي حسيتها كانن فضئي بهذا اللوك بس فستانها ماعليه حلو

مايلي سايرس كأن أحد كهربها قبل لا تجي .. طلتها ما عجبتني أبدا أبدا

كلكم عارفين اني احب طلات ماريون بس هنا اختيار الشوز ما عجبني .. وكمان بعدت كثيييير عن الثيم

مادونا طبقت الثيم حرفياً

كاتي بيري تاجها مرررررا عجبتي والفستان حبيت تفاصيله  من dolce and gabbana

 فستان الحلوة روني مارا من جيفينشي .. ما أدري ايت عجبني أكثر ظهر الفستان والا وجهه بس انه عجبني مررررررا من أجمل الفساتين اللي اتلبست في هذا الحفل

من أجمل الطلات في الحفل .. جيسيكا بايل بفستان من غامباتيستا فالي

كاميرون دياز طلتها واااو مرا حلوه .. حزامها فيه سبايكس بارزة 

كايت مارا حبيت لون فستانها

تايلر سويفت حسيت طلتها اليوم مختلفة وحبيت هذا الشي فيها ..

 شوفو فكرة التول فوق الدانتيل جميييله .. دايان كروغر فستانها من شانيل

ستايسي كيبلير فستانها من ريتشل روي

آن هاثاواي صدمتنا كلنا بطلتها … شعرها أشقر وفستانها من تصميم فالنتينو لعام 1992 .. طلتها جدا جميييييله 

 ليلي كولينز فستانها من موسكينو .. البنت حلوه تجنن ما شاء الله وجواجبها احلا شي فيها .. المكياج شوهها في هذا اللوك مررره .. ايش رايكم ؟

بلاك ليفلي تسريحة شعرها عجبتني بس فستانها مررررره لا .. أذكر كان شكلها خيالي في عام 2011

هايدي كلوم فستانها من Marchesa ما عجبني أبداً .. أساساً هايدي في الفترة الأخيرة صارت تخبص كثير

أتمنى تكون التغطية عجبتكم واستمتعتو فيها مثلي ..   بالنسبة لي كانت آن هاثاواي – جينيفر لورس – روني مارا هم أجمل اطلالات في الحفل انتو ايش احلا طلّة عندكم ؟؟