DIY – كيف تغلفين البلانر أو المفكرة بالصورة اللي تعجبك
السلام عليكم ..
اللي يعرفني يعرف اني أحب الأعمال اليدوية .. صحيح مو دايماً تزبط معي وتعجبني النتيجة النهائية بس أستمتع فيها جداً ..ومؤخراً اشتريت بلانر أو مفكرة أو وعجبني استخدامها , تقسيمها من الداخل يومي يعني كل يوم في صفحة وهذا الشي ناسبني جداً لأني أحب أشخمط كثير 
المشلكة انو غلافها ممل جداً ففكرت أشتغل فيها ..
شوفوا كيف صارت
شوفوا كيف صارت
بعد ما كانت كذا 😦
رح اوريكم خطوات العمل واكيد انتظر تطبيقكم .
1- المفكرة , اختاري مفكرة يكون غلافها قوي وسميك
2- صورة عجبتكم اطبعوها أو قصوها من مجله أو كتاب بس لازم يكون حجمها مناسب
3-صمغ أبيض متعدد الإستخدامات ( لما ينشف يصير شفاف)
4- مقص
5- فرشاه تلوين
أنا استخدمت هذي الصورة من رسم Roy Lichtenstein لأنها مشابها للصور اللي على حقائب مصممي المفضّل فيليب ليم 3.1phillip lim
ومن الجهة الثانية استخدمت اسم المدونه وكود لها
ومن الجهة الثانية استخدمت اسم المدونه وكود لها
نبدا الشغل 🙂
أولا نستخدم الفرشه ونحط طبقة خفيفة من الصمغ الأبيض عشان نثبت الصورة على المفكرة , حاولي ما يكون فيه فراغات أو كتل
بعدها نحط طبقة أسمك من الأولى على الصورة من فوق زي ماهو موضح في الصورة .. وممكن تختصري على نفسك وقت وتستخدمي مسطرة أو ورق مقوى وتمدين فيها الصمغ أسرع .
ملاحظة : إذا استخدمتي صورة مطبوعة .. رح تلاحظين ان الألوان تدخل في بعضها وممكن توصل للحدود .. عشان تتجنبين هذا الشي حطي الغرى بسرعه ولا تكررين الروحة والرجعة بالفرشة
اذا صارت معك لا تشيلين هم لأنها ما رح تبان في النهاية
اطبقي الحواف للداخل و ثبتيها بالغرى .. وبعد ما تنشف هذي الجهة كرري نفس الخطوات على الجهة الثانيه وصوري النتيجة ووريني اياها 🙂
عادي تكون النتجية فيها عيوب هذا شي طبيعي .. أهم شي استمتعت وانا أسويها وطلع شكلها يفتح النفس للشغل
ايش رايكم فيها؟
Ar_stylish 
مرة جميلة الفكرة وتطبيقها يعطيك العافية ♥♥
إعجابإعجاب
مرة جميلة الفكرة وتطبيقها يعطيك العافية ♥♥
إعجابإعجاب
مرة جميلة الفكرة وتطبيقها يعطيك العافية ♥♥
إعجابإعجاب