السلام عليكم ..

في السنتين الأخيرة صارت الطبعات والبرينتس في كل قطع الأزياء .. انتشرت لدرجة ممكن تلاقي أي طبعة تحلمي فيها أو تتخيليها ..
بس في هذي الفترة صارت بشكل جديد, بعد ما كانت قطعة مطبّعة تعتبر كافية صارت ممكن تغطّي اطلالتك كلها بدون ما تبان مزحومه أو كثيرة

في هذا البوست قررت أتكلّم عن أهم النقاط اللي لازم تنتبهي لها اذا حابّة تدمجي قطعتين سوا ..



سكارليت جوهانسن

أولا :  اختاري طبعتين مختلفيتين في الحجم .. يعني اذا حابّة تدمجي بلوزه منقّطة مع بنطلون منقّط . اختاري وحدة من القطع تكون النقط فيها أكبر ومن الثانية ..  نفس الشي بالنسبة للطبعات المقلّمة

يفضّل تكون الطبعات الأصغر مركّزة على المناطق الكبيرة في جسمك والعكس .

ثانيا : اذا كانت الطبعات مختلفة في نقشتها يفضّل تكون بألوان متقاربة  ..  واضافة الكسسوارات رح تساعدك كثير في تقريب الألوان من بعضها .

ثالثاً: اذا حسيتي طلتك صارت صارخة ممكن تضيفي قطعة ثالثة وتكون بدون طبعات عشان تخفف من حدة طلتك ..

سارة جيسيكا باركر

لو أحد قالي البسي فستان مطبّع مع جاكيت مطبّع أخضر وحذاء مطبّع  بقول معليش كثييير .. بس طلّة سارة جيسيكا باركر طالع جميلة وجريئة .. شي غير متوقّع يعني ..

صولانج نزلز

صولانج نزلز

 صولانج نولز من  أجمل النجمات اللي يدمجون الطبعات برأيي .. أحب ستايلها جداً مع أنه جرئ  بالنسبة لي وما أتوقّع اني ألبس كذا في يوم من الأيّام .

دمج الطبعات يبغالها جرأة وطولة بال وما يبغالها تردد .. خذي وقتك وجربي ممكن يعجبك وممكن لا . ابدأي بالطبعات البسيطة زي الخطوط والنقط .. وتطوري شوي شوي
لا تستغربي اذا سويتي كل شي وطبّقتي كل النقاط وما زبطت معاك ..وممكن كمان تخالفي كل النقاط وتطلع طلتك حلوة . الموضة في النهاية أذواق مختلف اللي يعجبك ممكن ما يعجب غيرك ..

 ايش رايكم في دمج الطبعات ؟؟ وهل ممكن تسوونها وتدمجون طبعات مختلفة في طلّة وحدة ؟