ترطيب الشتاء + ريفيو مرطبات Aveeno
في الشتاء وفي الأجواء الجافة بالتحديد تكون عنيفة على البشرة واذا اهملتي العناية فيها رح تنشف وتسبب لك حكة وجروح . أفضل طريقة انك تحاربي جفاف ومشاكل البشرة في الشتاء هو الترطيب المستمر ، الترطيب مو بس رح يحارب الجفاف كمان رح ينعش البشرة ويخليها موردة ونضرة و يأخر الشيخوخة ،، وأول خطوة في الترطيب هو شرب الموية
في الشتاء غالباً ننسى نشرب لأننا ما نحس بالعطش دايماً بس لازم تذكرين نفسك بشرب الموية أول بأول ورح تلاحظن الفرق على بشرتك خلال أسبوع .
ثانياً ترطيب البشرة بالكريمات قبل فترة وصلتني مجموعة كريمات من ماركة Aveeno رح أكلمكم عنها بالتفصيل عندهم مجموعات مختلفة على حسب حالة البشرة ، أنا بشرة جسمي جافة فـ طلبت المجموعة الخضراء وهي للترطيب اليومي ووصلتني هذي الكريمات.
Aveeno
كريم اليدين : ترطيبه ممتاز حجمه صغير مناسب للشنطة وحلو للترطيب السريع لليدين بعد الوضوء أو بعد الغسيل وكذا.
لوشن يومي : لوشن خفيف جداً عالبشرة مناسب للإستخدام اليومي قبل النوم للجسم كامل وعلبته مناسبة لهاشي ، ترطيبة حلو بالنسبة لإنه لوشن و أنا ترطيب اللوشنات ما يكفيني بالعادة. مو مناسب لبشرة الوجه طلعلي حبوب من أول استخدام عالوجه.
كريم مرطب : هذا وكريم اليدين أفضل من اللوشن بالنسبة لي ، تركيبته أثقل بشوية وترطيبهم أفضل .
الكريمات رائعة أنصح فيها كمرطبات يومية الشي الوحيد اللي ما حبيته فيها هو ريحتها ، أول ما تفتحين العلبة تطلع ريحة شوفان أو أعشاب بس ما تبقى أبدا تختفي خلال ثواني فما كانت مشكلة بالنسبة لي .
زيت الاستحمام: هذا هو المنتج اللي تعلقت فيه من جد ما اظن اني بستغنى عنه بعد اليوم ، كلمتكم عنه في سناب شات وكثير سألوني عنه.
يستخدم بعد الشاور والجسم مبلول تاخذون شويه منه وتدهنونه عالجسم ،، في ناس بستخدمونه بعد ما ينشفون الجسم بالمنشفة بس انا حسيت انه يعطي نتيجة أفضل والجسم لسى مبلول .
ترطيبه رائع و يبقى لفترة طويله طول اليوم تحسي انه كأنك دوبك رطبتي بشرتك .. لما استخدمه بعد الشاور ترطيبه يبقى الين الشاور اللي بعده بدون مبالغه .. ممكن ما تلاحظي هذا الشي على بشرة اليدين والرجلين لأنها تتعرض للموية ورح تحتاجين ترطبينها باستمرار .
أكيد لاحظتو ان لون العلبة مختلف عن باقي الكريمات وهذا أنه من مجموعة Skin Relief الخاصة بالجلد المتضرر من الجفاف ، لهذا السبب ترطيبه عالي جداً ورح يكون مناسب للبشرة الحساسة والمتهيجة، أخوي عنده صدفية في رجله و رح أنصحه في هذا الزيت .
جربت الصابون القالب من Aveeno كمان .. حبيت فيه انه ماينشف البشرة ابداً لمن تدعكينه بيدك ما تطلع رغوة بس زي الحليب كذا خفيف عالجلد وما ينشفه أبداً .
رأيي العام في منتجات Aveeno بصراحة رائعة المرطبات ترطيبها عالي بس لازم تستمرون عليها ورح تلاحظون الفرق فترة استخدامها ، زيت الاستحمام هو المنتج الأفضل بالنسبة لي أنصح فيه كل الناس نساء أو رجال ومن كل الأعمار،
Ar_stylish 
اول مره صراحه اسمع بهالماركه ،ان شاء الله يارب ماتخيب ظننا فيها ، جد تعبنا من هالكريمات غاليه على غير سنع ، لا ترطيب ولا يحزنون : (الله يعطيك الف عافيه ،بس بسالك وين القاه .؟ لان جد اول مره صراحه اشوفه .؟ القاه عند بوتس وواتس .؟متشكره جداا ، تسلم هالايادي ()
إعجابإعجاب
موجود في الصيدليات الكبيرة ، دوري في النهدي و الصيدليات اللي زيها
إعجابإعجاب