موضة الصيف على موقع Voga Closet
السلام عليكم
اليوم حكلمكم عن بعض الأشياء الدارجة للصيف من موقع Voga Closet ورح أعرض لكم بعض القطع من هذا الموقع . أول شي خلوني أقولكم عن الخصم الفلة اللي عملوه لمتابعاتي المزز
الموقع حيعمل خصم ١٠٠ ريال لكل وحدة تطلب منهم بأكثر من ٢٠٠ ريال سعودي بس لازم تستخدمون الكود Voga100 عشان تحصلون على هذا الخصم .
هذا العرض مستمر لمدة شهر كامل ولا تنسون ان الموقع يوفر خدمة الدفع عند الإستلام للحلوين اللي في السعودية والإمارات والأردن والتوصيل مجاني في شهر يونيو
لباقي التفاصيل زوروا الموقع بنفسكم أو أسألوهم على تويتر VogaCloset@
الحين خلوني أوريكم القطع اللي إخترتها منه.
الستايل الرياضي الشيك
إذا تذكرون كثير تكلمت عن هذا الستايل بالتحديد ،، كان دارج من أيام الشتاء بالجاكيتات الرياضية وغيره والحين جا الصيف وصار هذا التريند مناسب أكثر للأجواء الحارة .
بالنسبة لي أهم شي تلبسون هذا الستايل مع شويه انوثه يعني مع تنورة قصيرة أو كعب عالي بس عشان ما يصير طاغي على كل اللوك .
إخترت هذا التوب لأنه شي ممكن ألبسه أنا شخصياً ،، ألوانه مرا مريحة وطبعته تريندي وكمان قماشة من النوع اللي زي الشبك وهذا القماش مررا تريندي هذي الفترة
الباستيل
أكيد كلكم ملاحظين قد إيش ألوان الباستيل دارجة هذي الفترة بالذات الأزرق و الوردي وأخترت من هذا التريند بنطلون وردي حلو ،، في الصورة هم منسقينه مع شوز أسود بس أنا أحس حيطلع أحلى مع شوز أبيض ،، انتو ايش رايكم ؟؟
تلقونه هنا
الورود
في كل موسم ربيع وصيف تدرج الطبعات الموردة ، بيني وبينكم ما أحس بالصيف الا لما أشوفها منتشرة
بس بما اننا شفناها كثير على الملابس اخترت لكم نظارة موردة وتصميمها كيوت ،
أنا لاحظت إن اللون الوردي كثير هذي الفترة بالنظارات وين ما أروح القاه ملاحظين بالله ؟؟
فلاتات القش
إسمها غريب أنا عارفه قصدي في هالإسم الفلاتات اللي تجي قاعتها من تحت قش ،، ظهرت عن مصممين ودور أزياء كثيره مؤخراً واشترت عند فالنتينو .. اسمها بالإنجلش raffia espadrille
الموقع مررا مليان من هذا التصميم من الفلاتات و أنا إخترت منها هذي لأني حبيت اللون الذهبي فيها
الحذاء برباط على الساق
كلمتكم عن هذا التريند في انستقرام ،، بالنسبة لي الأحذية اللي فيها رباط على الساق هي أكثر الأحذية المريحة أحسه يكون ثابت ويساعد في المشي
حبيت هذا التصميم من موقع Voga Closet واللون كمان مرا جذبني يمكن لأنو ما عندي ولا شوز بني لوول ،في ألوان ثانية من نفس هذا الشوز زي الفوشي والأسود والأخضر
البوت الصيفي
أخر تريند ، برضو كلمتكم عنه على انسقرام ، كلنا عارفين ان البوت للشتاء بس في الصيف نزلت تصميمات مفتوحة بشكل خفيف من الأبوات و الحلو فيها انها تعطيكي مظهر البوت بس بشكل مريح وخفيف ما تتأذي منه في الصيف .
إخترت هذا التصميم لأنحسيته عملي ويتلبس كثير
Ar_stylish 