السلام عليكم

الأسبوع الماضي حضرت عرض مجموعة ربيع وصيف ٢٠١٤ للمصممة وضحى الهاجري في بوتيك DNA بالرياض
اتشرفت بلقاء المصممة وضحى مع الفاشن آيكون دينا الجهني  – مع انها رفضت اني اسميها فاشن ايكون-.

يومتها ما أخذت الكاميرا معي ومررررا آسفة والله آخر مرا اروح مكان بدونها 😦 بس تكلمت مع المصممة الرائعة وضحى الهاجري عن المجموعة ورح انقل لكم كلامها

ذكرت المصممة انها اختارت اللونين الأبيض والأسود للمجموعة لأنها لونين قوية واخذت الهامها من لوحة “شهرزاد” للفنان رينية ماغريت ” في اللوحة حاول الفنان ان يعكس الؤلؤ العربي بشكل مختلف وبدوري حاولت أعكس هذا الشئ بالتطريز والتفاصيل في المجموعة ، أحاول أعكس البيئة العربية الخليجية اللي أنا نشأت منها ، والبساطة الموجودة في هويتنا مع فخامة الخامات والقصات“

التفاصيل في التصاميم كانت جميلة جداً لفتتني ولما سألتها عنها قالت “ التفاصيل والتطريز أخذت مني وقت كبير حتى تطلع التصاميم بهذي الصورة ، قوية وانثوية بالوقت نفسه “
وبالنسبة للأقمشة المستخدمة قالت ” الأقمشة كلها من الخارج لأني ما وجدت الجودة والخامات اللي ترضيني هنا “

شدني احتراف المصممة فسألتها عن بداياتها في هذا المجال قالت لي انها بدأت من 3 سنوات واشتغلت إلى الآن على 4 مجموعات ” في البداية كنت متخوفة من عرض المجموعة على الناس وكنت انتظر الوقت المناسب ، والحمد لله كان الإقبال عليا مشجع “
الشي اللي فاجأني وأتوقع كمان يفاجئكم ان المصممة وضحى ما درست مجال تصميم الأزياء ما شاء الله .. هي دارسة شؤون دولية وتشتغل في السياسة ومجال تصميم الأزياء بالنسبة لها شغف وزي ما قالت “ هذا شي في شخصيتي ما أقدر أعزله “

في النهاية ذكرت دينا الجهني إعجابها بالمجموعة و  قابلت المصممة ريم الكنهل  اللي قالت رايها عن وضحى الهاجري ومجموعتها “ وضحى من المصممات الرائعات اللي عرفتها في شغلها وشخصيتها المتميزة . تتمتع بأخلاقيات عالية ، أحب فيها قربها واتصالها بالجميع ، بالنسبة لتصاميمها متقنة جداً وأقمشتها جميلة وهذا رأيي بدون مجاملة “
المصممة مشاعل الفارس من دار MOSHI قالت رأيها بالمجموعة “ مجموعة جميلة، ناعمة و مرتبة ، كلها تبدو عالمية“