“بوست توزيع جوائز AR_ Stylish لأسبوع باريس للموضة”

 

 

 

 

 

 

جائزة أجمل مفاجأة

 

تروح لـ

Dior

 

أكون صريحة معاكم أنا وأنا اتابع عرض ديور كن أدور فساتين مناسبة للسجادة الحمراء لأننا أكيد حنشوف نجمات ديور لابسينها اللي هو ماريون كوتيار وجينيفر لورنس .. قرب ينتهي الهرض وكانت كل الأزياء المعروضة جميلة بس عمليّة وناعمة مو حقت سجادة حمراء

لما جات النهاية كانت مفاجأة من جد .. حبيت كل القطع في العرض وحبيت المفاجأة في الفساتين اللي ظهرت في النهاية كمان

جائزة شانيل

تروح لمين غير
شانيل

أتوقع أقدر أعطي هالعرض جائزة بإسمه العرض كان فنّي بإمتياز تجولت الصالة لمعرض فنّي كلها قطع تصوّر الدار نفسها زي الشعار الشهير وزجاجة عطر  N.5

 

 

جائزة المكياج المبتكر

 

تروح لـ

 Givenchy

 

في المواسم الماضية ما قدّم ريكاردو تيشي شي مميّز بالنسبة لي .. وبصراحة ما كنت متحمسة لعرض جيفينشي في هذا الموسم .. بس غيّرت رأيي بعد ما شفت أوّل صورة من صالة العرض
في صالة العرض كان فيه سيارات مكسّرة ومتكوّمة في المنتصف بس الحماس الحقيقي خلال العرض .. الأزياء كانت مختلفة ومبتكرة و وبعض العارضات ظهرو بكريستالات تغطي وجوههم .. في البداية اعتقدت انها ماسكات بي طلعت كريستالات مثبته يدوياً ..
أنا ما أقول جربو هذا اللوك أبداً بس أقول أنه شيء مثير للإهتمام في عرض أزياء

 



جائزة مين يقدر يسوي تفاصيل زي هذي

 

تروح لدار

Balmain

 

 

هنا أنا ماعني شيء أقوله شوفو الصور وأحكمو بنفسكم

 

 

  

جائزة العرض الراقص

 

للمصمم

Jean Paul Gaultier

 

قبل ما تمشي العارضة على الرنواي لازم تسوي حركة راقصة وهذا الشي عجبني يعني قدرنا نشوف شي من شخصيّة العارضات في العرض موبس علاقات بتمشي

ممكن تكون الحركات كلها مرتبة ومفق عليها من قبل بس برضو عجبتني

 

 

 

  

جائزة مفاجأة العارضات

 

تروح لـ

Miranda Kerr

 

لما انتهى عقد ميراندا كير مع فيكتوريا سيكرت توقعت انها ما حتظهر على الرنواي من جديد بس واضح اني كنت غلطانه لأنها ظهرت في عرضين وهم عرض ستيلا مكارتني وعرض شانيل كمان

 

  

 

 



جائزة أكثر عرض أثار ضجّة في باريس

 

للمصمم

Rick Owens

 

 

الشيء الجديد اللي سواه ريك اوينز هو انه جاب راقصين قدموا رقصة قبل بداية العرض

هذا شي كويس ونجح بإنه يخلي الصحافة تتكلم عنه بس رأيي هنا نفس رأيي في عرض DKNY في نيويورك

لفتوا نظر لشي آخر غير عن الأزياء المعروضة

 

فيديو العرض هنا 



 

 

جائزة أنا يئست 😦

 

تروح لـ

Saint Laurent

 

 من لمّا استلم هادي سليمان دار سان لوران وانا انتظر شي حلو يطلع منه .. ما أنكر المجموعة الأولى له مع الدار في الصيف الماضي عجبتني جداً على الرغم من انها لاقت انتقادات كثير .. المجموعة الثانية كانت سيئة للغاية صدمت كثيرين ولاقت تعليقات سلبية كثيرة

وهذي المجموعة هي الثالثة العالم كانت تنتظر من هادي سليمان يثبت نفسه فيها

للأسف بالنسبة لي كانت لا جديد يذكر ما انكر حبيت بعض القطع زي الفستان الذهبي والبدلة السوداء بس حتى هالقطع مافيها شي جديد . المصمم رجّع في هذي المجموعة بعض القطع الكلاسيكيّة للدار وحط لمساته في قطع أخرى

للأسف ما شفت شي يبهر فيها

 

 

 





جائزة ودعايّة يا آخر ليلة تجمعنا

تروح لـ

Louis Vuitton

 

 

هذا كان العرض الأخير للمصمم مارك جيكوبز مع دار LV  وما كان ممكن يصير أجمل من كذا .. الصالة جميلة الأزياء روعة العرض متكامل
الملفت في صالة العرض انها كانت تحتوي على لمحات من صالات العروض في المواسم السابقة .. زي الدرج الكهربائي , ولهبة الملاهي اللي في الصورة تحت .. مارك أنهى مسيرته مع LV  بطريقة مثاليّة