السلام عليكم

اليوم حضرت ايفينت لإطلاق المجموعة الشتويّة من REISS  في صالة ميزون بو إم في نجود مول  .. الإيفينت كان مرا مرتب وجميل .. بالنسبة للأزياء عجبتني بعض القطع حسيتها بسيطة وناعمة .. تناسب ستايل كيت ميديلتون زي ما قالت بسمة صاحبة مدونة GVAFashion  وكمان الإكسسوارات الشنط والأحذية وغيرها

رح أوريكم بعض الصور من الإيفينت أعذروني لو كانت مو واضحة هي أفضل شيء قدرت ألقطة

هذا اللوك جنن دانيا صاحبة مدونة  DaniaBlogs مرررا كيوت ويناسب ستايلها

وهذا مكياج العارضات من خلف الكواليس الإضاءة ما كانت تساعد بس معليش

حوسة خلف الكواليس

دحين رح أنزل صور العارضات اتمنى تكون واضحة

هذا الفستان الأبيض هو نفسو اللي لابسته اللي بجنبها .. ما أدري ايش وضيفتها بالضبط بس كانت تشرح عن كل فستان وكذا

التوب اللي في اللوك القبل الأخير .. والفستان الجلد اللي في الصورة الأخيرة هي القطع اللى عجبتني مرررره في هالمجموعة واتوقع اني أشتريها .

ايش رايكم وايش أكثر لوك عجبكم قولولي في التعليقات تحت 🙂