“بوست توزيع جوائز AR_ Stylish لأسبوع ميلان للموضة”
السلام عليكم .. أمس كان آخر أيّام أسبوع الموضة في ميلانو .. وفي هذا البوست حبيت أذكر بعض النقاط اللي لفتتني في هذا الأسبوع
وكمان شيكو على المواضيع الخاصة لأسابيع الموضة في نيويورك ولندن هنا
توزيع جوائز AR_ Stylish لأسبوع لندن للموضة
توزيع جوائز AR_ Stylish لأسبوع نيويورك للموضة
نبدأ
” جائزة أجمل لوك للشعر والمكياج “
تروح لـ
Dolce & Gabbana
المكياج كان طبيعي وناااعم و الشعر كان مرفوع بطريقة جميلة ..
اكسسوار الشعرممكن ما يعجب أغلب بس أنا مررررا حبيته … باللهي ما ذكركم بأيام زمان يمكن كنتو تشوفو جداتكم يلبسو اكسسوارات جنيهات ذهبيّة
الأزياء في المجمعةكمان كانت مررررا جميلة .. شوفو فيديو للعرض أضغطي هنا
“جائزة أناقة زمان “
تروح لـ
Dsquared²
هذا العرض واحد من أجمل العروض اللي شفتها هذا الشهر .. العرض كله كان كأنه حفله في مسلسل Mad Men
الأزياء والموسيقىوالأجواء وكل شيئ كأنه مشهد مأخز من فيلم قديم مررررا حبيته
فيديو للعرض .. إضغطي هنا
“حبيت هالمجموعة بس ما أدري أي جائزة أعطيها “
تروح لـ
GUCCI
المجموعة كانت جميلة حبيت أكثر من شي فيها … الألوان ودمج البرتقالي مع البنفسجي (أتوقع هذي صارت اللونين المفضلة عني سوا ) وكمان حبيت الأحذية كانت مرا جميلة
والطبعات اللي ظهرت على بعض القطع كانت حكايه لحالها .
“جائزة التصاميم المبتكرة“
تروح لـ
Prada
تصااميم برادا دائماً مافي شيء يشبهها .. وبصراحة ماكنت من المعجبين بتصاميمهم في المواسم الماضية .. بس حبيت هذي المجموعة فيها لمسات فنيّة .. المجموعة بشكل عام كانت جميلة
“جائزة العرض اللي ياليتني حضرته”
تروح لـ
Moschino
موسكينو احتفلو هذا العام بمرور 30 عام على تأسيس الدار .. عشان كذا كان العرض مميز .. افتتحته العارضة Pat Cleveland عمرها 61 عام وكانت من أوائل العارضات السمراوات اللي مهدو الطريق للعارضات السمر في هذا المجال .. وغيرها من العارضات الكبار ظهروا في نفس العرض
كل اللي حضرو عرض موسكينو في تويتر كانو مرررا مستمتعين ويقولون انو ايديهم تعورهم من التصفيق
حسيت العرض مرا وناسه ياليتني حضرته
“جائزة أجمل مجموعة في ميلانو “
للمصمم
Roberto Cavalli
جدول روبيرتو كفالي كان مزحوم هذا الأسبوع .. أطلق كتاب مذكراته في أول يوم من أيام أسبوع ميلانو للموضة .
وفي اليوم الثاني عرض مجموعة Just Cavalli (اللي هو خط أزياء ثانوي للمصمم)
وفي اليوم الرابع قدّم أجمل مجموعة انعرضت خلال الأسبوع .
بصراحة عجبتني هذي المجموعة فوق ما كنت متوقع .. صالة العرض كانت كأنها استودي سينمائي الموسيقى كأنها موسيقة فيلم والأزياء كان روعة وذكرتني بأزياء العشرينات وفيلم غاتسبي
هذا فيديو للعرض أضغطي هنا
أكيد فيه مجموعات كثير ما ذكرتها بس حبيت أكثر شي لفتني في هذا الأسبوع
اتمنى يكون البوست عجبكم .. قولولي رايكم في اختياراتي وايش أكثر شي عجبكم فيه الصور اللي نزلتها ؟
Ar_stylish 