السلام عليكم
أسبوع الموضة في لندن خلص أمس وزي ما سوينا مع نيويورك حفل توزيع جوائز Ar_stylish … رح نسوّي حفل خاص للمصممين اللي عرضو مجموعاتهم في لندن
شوفوا الموضوع السابق عن بوست توزيع جوائز AR_ Stylish لأسبوع نيويورك للموضة
سيداتي سادتي أقدم لكم
Ladies and gentlemen, I present to you
Jean Pierre Braganza
David Koma
“جائزة المجموعة اللي خلتني أحب البينك “
للمصمم
Antonio Berardi
أنا مو من البنات اللي يحبون اللون الوردي .. يعني ممكن ألبسة بس ماهو من الألوان المفضلة عندي .. بس أتوقع رح يصير منها بعد ما شفت مجموعة انتونيو بيراردي .. حبيت اللون الوردي في هالمجموعة ومو بس الوردي كل التصاميم كانت تجنن شوفوها واحكموا
“جائزة المجموعة اللي احترت أي جائزة أعطيها “
للمصمم
Osman
أكيم سمعتو بهالإسم قبل كذا .. دائماً يلبس ممثلات وكذا .. حبيت هالمجموعة جداً جداً جداً حسيتها شيك مررره وناعمه بس احترت وش الجائزة اللي أعطيه ..
“جائزة التريند الأبرز ي أسبوع للندن للموضة “
تروح لـ
الوان الباستيل واللون الوردي تحديداً
أتوقع اللون الوردي طلع في معظم المجموعات اللي عرضت هالأسبوع إذا مو كلها .. مين فيكم تحب هاللون ؟
“جائزة للوك اللي أبغا أشوفه على السجادة الحمراء“
تروح لـ
هذا الفستان من مجموعة Tom Ford
هذاالفستان مررره عجبني .. لما تقربي الصورة عليه يبان زي لوحة الموزاييك مرررره جميل
نزلت صورته على تويته ووحده من البنات قالت إنه يناسب كريستين ستيوارت .. من جد حيطلع عليها وااااو لو رفعت شعرها ذيل حصان ولبست هذا الفستان زي ما هو
“جائزة أجمل عرض”
تروح لـ
Burberry
أتوقع كلكم تتفقون معي في هالشي .. في آخر العرض مطرت الصاله بالورود كان شكلها خيالي
بالنسبه للأزياء القطع المزيّة بكريستالات كانت هي الأجمل برأيي .. التنانير والترينش كوتس
في النهاية أبغا أضح كالعادة هذي مجرّد آراء تتغير أو أفكار بصوت عالي .. حبيت أنزل البوست بأسرع وقت
بالنسبة للتريندز رح نحكي عليها على مهلنا في الأيام الجايه 🙂
Ar_stylish 