السلام عليكم 🙂




تذكرون قبل فترة تكلّمت عن الطبعات المختلفة وكيف تدمجينها سوا في طلّة وحدة  ؟
هنا – ادمجي الطبعات المختلفة في طلّتك

في هذا البوست حبيت أوريكم تطبيق فيرا وانغ  Vera Wang لهذي النقاط في مجموعة خريف وشتاء 2013
المجموعة انعرضت قبل كم يوم في أسبوع الموضة في نيويورك

شوفوا الصور

التصميمين الأخيرة أتخيلهم بدون الدانتيل اللي عالصدر أجمل ! ايش رايكم ؟



في التصاميم السابقة استخدمت فيرا وانغ نفس النقشة بألوان مختلفة ..  لاحظوا في أول صورة  تركت اللون الكموني يطغى عالتصميم لأنها استخدمت نوعين مختلفة من الأقمشة ..
وفي بعض التصاميم استخدمت لونين مختلفة بس التزمت بنقشة وحدة وقماش واحد


الخلاصة ..
لما تدمجي الطبعات حافظي على التوازن عشان ما تنزحم طلّتك .. اذا استخدمتي طبعتين مختلفة خليهم بنفس اللون وإذا حبيتي تلبسي نفس الطبعة غيّري بالألوان

في الصورتين السابقة دمجت بين طبعتين مختلفة بس استخدمت نفس الألوان .. وهذا اللي خلا الطلتين ناعمة ..

وفي الطلّة  هذي دمجت كلو على بعضو .. طبعتين مع نوعين من الأقمشة بألوان مختلفة .. ما أقدر أقول ان النتيجة كانت سيئة بس  برأيي التصاميم اللي فوق كانت أجمل .. انتو ايش رايكم ؟؟



خلاصة البوست : لا تخافي من التجربه.. مو شرط تمشين على قواعد معيّنة اختاري اللي يعجبك والبسية يمكن تعجبك النتيجة في النهاية  ..