اذا عرفتوني أكيد رح تلاحظون اني أحب الشعر الطويل .. تسريح الشعر القصير أسهل بكثير بس جدياً ما اذكر اني قصيت أقصر من الأكتاف مع إن منظر الشعر القصير يغريني في كثير من الأحيان وأصير ودي اتهور
أكيد كلنا بشعر طويل أو قصير نعاني أحيانا من منظر الشعر الدهني والنايم
خالي من الحياه .. تبالغين بتسريحه وتتفاجأين بهالمنظر شي يحبط صح ؟؟

 اتبعي النقاط القادمه وان شاء الله بتحصلين على حجم مثالي

• اذا كان شعرك ناعم ودهني وحابه تتجنبين منظر الشعر الدهني.. استخدمي بلسم
  الشعر قبل الشامبو.. بهالطريقه تحصلين على فائدة البلسم ونظافه الشامبو واذا كان شعرك ناشف وجاف حافضي بعد الشامبو على بلسم الشعر لأنه بيساعدك في حمايه شعرك وتسريحه

• بعد الاستحمام وقبل تجفيف الشعر بالإستشوار حاولي تجففينه قد ما تقدرين
  بالمنشفه, بطريقه الضغط على الشعر بلطف بالمنشفه لا تكوني عنيفه عشان ما يتضرر الشعر

• هذي الطريقه المفضله عندي حبيت اعطي شعري حجم أكبر.. أمشط شعري
  كله للأمام وأثبته فوق راسي =$.. ويعدين أخذ خصله من تحت وانشفها بإستخدام الإستسوار وبفرشه دائريه

•  خلال تجفيف الشعر حاولي ترفعين الخصله بالفرشه ووجهي الهوا عالجذور زي الصوره .. اذا حبيتي تنزعين رأس الإستشوار يكون افضل 

 

• الخصل في أعلى الرأس ارفعيها للأمام خلال تجفيفها هذي الطريقه اللي بتعطيك الحجم المثالي

•  بالنسبه للغره جففيها عالسريع من البلل .. وبعد ما تخلصين سرحيها بالستريتنر أو الفير بالطريقه اللي تحبيها

•  بعد ما تخلصين تجفيف شعرك كله .. اقلبيه للأمام وبخي القليل من مثبت الشعر على الجذور .. لا تبالغين عشان ما تخربي مظهر شعرك

 في النهايه كذا تكونين انتهيتي من تجفيف شعرك .. ممكن تكتفين الين هنا في الأيام العاديه ..

 ‎ وممكن اذا عندك سهره وحابه تعطين شعرك حجم أكبر تاخذي خصله من أعلى الراس وتمشطينها بالعكس زي الصوره وبعدها ترتبينه من الأمام وتسرحينه بالطريقه اللي تعجبك

وكمان ممكن تكملين تسريح أطراف شعرك بالفير والستريتنر إذا حابه ‎

أتمنى تكون الطريقه نفعتكم وتجربونها قريب.. قولولي ايش انطباعكم عنها وايش المصاعب اللي واجهتكم على تويتر أو هنا اذا حابين